Nəzəri biliklərin sıfırdan tədrisi ilə yanaşı, hər ay sonu tələbələr tərəfindən təqdim olunan praktiki layihələr qiymətləndirilir, bilik səviyyəsindən tam əmin olduqda növbəti mərhələyə keçid olunur. Bu praktiki layihələr tələbələri real karyeraya hazırlayır və şəxsi portfolio`nun hazırlanmasının əsasını təşkil edir. Əgər tələbənin proqram üzrə boşluqları varsa fərdi şəkildə əlavə dərslərdə iştirak edir.
Coders Azerbaijan’ın tədris proqramında əsas müəllim heyəti ilə yanaşı mentor müəllimlər də fəaliyyət göstərir. Mentor müəllim proqramı uğurla başa vurmuş məzun vəya ortalaması 90 üzərində olan və praktiki mərhələyə keçid etmiş tələbə heyətidir. Tələbə özündə hər hansı bir boşluq hiss edərsə, birbaşa mentor müəllimdən dəstək alaraq biliklərini daha da təkminləşdirə bilər. Ortalaması 65 dən aşağı olan tələbələr həftə sonları mentor müəllimlə təyin olunmuş, iştirakın zəruri olduğu dərslərə qoşularaq boşluqlarını tamamlayırlar.
Bilik səviyyəsinin ölçülməsi məqsədi ilə qurulan performans sistemində tələbənin gündəlik dərs nəticəsini görməsi nəzərdə tutulub. Sistemdə qiymətləndirilmə, yerinə yetirilən tapşırıqlar, davamiyyət, proyekt üzərində iş, kod saatı və əlavə praktika üzərindən müəllim heyəti tərəfindən gündəlik olaraq qeydə alınır. Beləliklə günlük qiymətlər və ortalama nəticəsi tələbə məlumat sistemindən online izlənilə bilir. Qiymətləndirmə 100 bal üzərindən dəyərləndirilir. Əgər həftəlik ortalama 65 və aşağı olarsa, tələbə üçün həftə sonları fərdi dərslər təşkil olunur ki, bu dərslərə qatılmaq zəruridir.
Hər bir proqramçı gündəlik olaraq istifadə etdiyi proqrama əsasən həyata keçirdiyi əməliyyatları ingilis dili üzərindən yerinə yetirir. Tədrisin daha rahat və anlaşıqlı olması məqsədi ilə Coders Azerbaijan’ın təqdim etdiyi proqrama qoşulmuş hər bir tələbə müəyyən ingilis dili bazasına sahib olmalıdır. Tədris proqramı başlamazdan öncə hər bir tələbə ingilis dili üzərindən testdə iştirak edir. 15 suallıq testin öncədən müəyyən edilmiş müvəffəqiyyət faizini əldə etməyi bacarmayan hər bir tələbə həftə sonları təşkil olunan ingilis dili dərslərində iştirak etməlidir.
Əmək bazarı ilə sıx əlaqədə olan müəssisəmiz tələbələri konsultasiya edərək onlarla ünsiyyətdə olur və istədikləri mövqeyə sahib olanadək mütamadi olaraq dəstəyini göstərir.
